Cotkaran dest bi reşandina dermanan li daran kir

Cotkarên li Kobanê ji bo xurtkirina daran û parastina wan ji kurmik û kêzikan dest bi reşandina dermanan kirine.

CIVAK Û JIYAN

27 nîsan, 2026 09:24

KOBANÊ

SARYA ŞÊXO

Li Kobanê ji ber barana zêde kurmik û kêzik diketine nava daran û zeviyên çandiniyê. Cotkaran ji bo xurtkirin û parastina zeviyên xwe dest bi reşandina dermanan kirine.

Cotkar Ehmed Reşo yê ji gundê Kor Elî yê rojavayê bajarê Kobanê ku bi sedan darên wî yên fistiq û zeytûnan hene der barê reşandina dermanan li daran de ji ajansa me re axivî.

Ehmed Reşo anî ziman ku dema reşandina dermanan li daran hatiye û wiha got: " Îsal ji ber berana zêde kêzik û kurmik belav bûne. Niha dem hatiye ku em derman li daran bireşînin. Em dermanên xurtkirinê, hem jî dermanên tesbîtkirinê û yên kêzik û kurmikan direşînin. Em derman bi destan li darên biçûk direşînin û yên mezin jî bi terektoran direşînin."

Ehmed Reşo da zanîn ku barînan barana pir a îsal ji bo daran gelekî baş bû û wiha got: "Ji ber ku her sal baran kêm bû berhem jî kêm bû, lê îsal barîna beranê pir zêde bû, ev yek jî hişt ku berhem îsal baş be."

ANHA