CENTCOM: Keştiyeke Hûsiyan hat îmhakirin
Fermandariya Navendî ya DYA’ê (CENTCOM) ragihand ku li Deryaya Sor keştiyeke bê mirov a Hûsiyan îmha kiriye.
Fermandariya Navendî ya Amerîkayê (CENTCOM) vê sibehê daxuyaniyek li ser hesabê xwe yê ’X’ weşand. Di daxuyaniyê de hate diyarkirin hêzên CENTCOM di 24 saetên dawîn de keştiyeke bê mirov a Hûsiyan li Deryaya Sor îmha kirine.
Di daxuyaniyê de hate ragihandin ku keşiya hatî îmhakirin j aliyê Hûsiyan ve hatibû avêtin û diyar kir ku "Biryara îmhaya keşiyê ji bo parastina azadiya navîgasyonê, ewlehiya keştiyên DYA, yên koalîsyonê û bazirganiyê hate dayîn."
(bb)
