Baxçeyên Til Sexir li hemberî zehmetiyên hişkesaliyê li ber xwe didin

Gundê Til Sexir ê ku nêzî 15 kîlometreyan li rojavayê bajarê Hesekê yê kantona Cizîrê ye, bi şînkatî, dengên çûk û çivîkan û baxçeyên tirî û fêkiyên havînê tê naskirin. Li gund zêdetirî 15 baxçe Tirî Sêv, Mişmiş, Hulîk û hejîr tê nasîn.

 Cotkar gundê Til Sexir Merwan Mihemed ku xwediyê baxçeyekî 10 doniman  axe di derbarê çandiniya gund de wiha got:” gundê me şeniyên vê gundê piranî tirî  û sêvan di meha 8'an de derdixin sûkan û jiyana xwe ya rojane pê didomînin."

PÊDIVIYA PROJEYÊ BI ÇAVDÊRIYÊ HEYE

Mihemed got: "Fêkiyên havînê wekî mişmiş, hulîk û sêvan çandiniyê sereke ne lê pêdiviya wan bi çavdêriyeke domdar heye."

Mihemed li axaftina xwe wiha zêde kir: "Ev dar wekî zarokan in, pêdiviya wan bi çavdêrî û girîngîpêdayînê heye da ku ew ji nexweşiyan werin parastin û baş bê nirandin.”

ZUHABÛNA XABÛRÊ SEDEMA TIRSÊ

Mihemed diyar kir ku Metirsiya herî mezin zuhabûna çemê Xabûr e ku berê zevî pê dihatin avdan. Lê di dawiya sala 2019'an ve ku bajarê Serêkaniyê ji aliyê dewleta Tirk a dagirker ve hate dagirkirin ava çem qut bûye ev metirsiye ji bo dema pêşe.”

Mihemed balkişand li ser kêm bûna avê û wiha got: Ava bîran  kêm bûye. Eger av nemîne em dê baxçe zuwa bin.”

BANGÊN PÊŞKÊŞKIRINA SEMADÊ

Cotkaran bang li aliyên berpirs kir ku di aliyê çandiniyê de destekê bidin, nexasim derman û semadan pêşkêş bike ji ber ku ji bo baxçeyan çavdêriyeke cuda pêwist e.

Di dawiya axaftina xwe de Mihemed got: "Ji bo em vê rûbera şînkatiyê biparêzin û hilberînê bidomînin, pêdiviya me bi alîkariyeke zelal û rasterast heye, bi taybetî li hemberî nexweşiyên wekî bacanê çolê."

(mh)

ANHA