Kargeheke Oksîjenê li Reqayê jî hat vekirin

Li bajarê Reqayê yekemîn Kargeha Oksîjenê hat vekirin. Hêza hilberandinê ya kargehê di saetê de 40 metrekab e.

CIVAK Û JIYAN

8 cotmeh, 2023 13:01

Kargeh îro ji aliyê Komîteya Tenduristiyê ya Meclisa Sivîl a Reqayê ve di nava naveda wê ya li bakurê bajêr de hat vekirin. Endamên komîteyê, saziyên sivîl û leşkerî, Rêveberiya Xweser a Bakur û Rojhilatê Sûriyeyê û Meclisa Malbatên Şehîdan beşdarî merasîma vekirinê bûn.

Piştî rêzgirtinê, Hevseroka Meclisa Sivîl a Reqayê Hêvîn Îsmaîl axivî û vekirina kargehê pîroz kir. Hêvîn got: “Hin projeyên din hene yên dikevin xizmeta gel. Emê pêşkêşkirina xizmetên tenduristî ji bo gelê xwe biqasî hêza xwe bidomînin.”

Piştre Hevserokên Meclisa Sivîl a Reqayê Hêvîn Îsmaîl û şêx Mihemed Nûr Zîb endamên Komîteya Tenduristiyê û bernameya xizmetên sereke, xelat kirin.

Hêza hilberandinê ya kargehê 40 metrekab di saetê de ye. Xebatên avakirinê ji 14`ê Sibatê de dest pê kiribûn û ji bo wê komîteyek ji hejmareke bijîşk û endeziyaran ve hatibû diyarkirin.

Ev kargeh li ser asta Bakur û Rojhilatê Sûriyeyê piştî kargeha oksîjenê ya li herêma 7 kîlo ya Dêrazorê û ya li herêma Cizîrê, kargeha sêyemîn e.

(c)

ANHA