Ji Kobanê banga azadiya fîzîkî ya Rêber Abdullah Ocalan

Xelkê herêma Firatê bi girseyî li dijî tecrîda li ser Rêber Abdullah Ocalan meşiya û got heta daxwaza wan pêk were, berxwedana wan berdewam e.

NÛÇE

24 îlon, 2023 11:36

Şêniyên herêma Firatê ya Bakur û Rojhilatê Sûriyeyê bi armanca şermezarkirina tecrîda li dijî Rêber Abdullah Ocalan, li ser bangewaziya Tevgera Ciwanên Şoreşger ya herêma Firatê û bi dirûşma “Ji bo azadiya fîzîkî ya Rêbertî werin cenga azadiyê ser bixin” ji Qada Jina Azad a Kobanê derketin xwepêşandanê.

Meş li pêşiya dibistana Şehîd Seydo ya li bajêr rawestî û veguherî mitingê. Li wir berdevkê Tevgera Ciwanên Şoreşger a Herêma Firatê Hîlal Elî daxuyanî da. Hîlal Elî destnîşan kir ku heta azadiya fîzîkî ya Rêber Abdullah Ocalan pêk were ew ê tê bikoşin.

Elî îşaret bi fikarên li ser tenduristiyê Rêber Abdullah Ocalan kir û got: "Em ê azadiya fîzîkî ya Rêber Apo misoger bikin."

Elî careke din soza şopandina rêya Rêber Abdullah Ocalan û berdewamkirina têkoşînê heta pêkanîna armancên xwe da.

Çalakî bi dirûşma "Bê Serok jiyan nabe" bi dawî bû.

(şx)

ANHA