Kongreya Ol û Baweriyan: Rêveberiya Xweser aştiyê mîsoger dike

Cîgirê hevserokatiya Meclisa Giştî ya Rêveberiya Xweser a Bakur û Rojhilatê Sûriyeyê Yasir Silêman di Kongreya Navneteweyî ya Ol û Baweriyan de axivî.

Silêman axaftina xwe bi hin hedîsên pêxember Mihemed û Îsa da destpêkirin û bi navê Rêveberiya Xweser spasiya saziyên olî yên kongre li dar xistine, kir.

Silêman bal kişand ser hevpeymana civakî ya Rêveberiya Xweser û diyar kir ku di hevpeymanê de banga aştiya navxweyî di navbera ol, netewe û gelên Bakur û Rojhilatê Sûriyeyê de tên kirin û destnîşan kir ku herêmên Rêveberiya Xweser bûne nimûneyên jiyana hevbeş û biratiya gelan.

Yasir Silêman anî ziman ku xwedîderketina li Rêveberiya Xweser a Bakur û Rojhilatê Sûriyeyê û pêkanîna wê li deverên din ên Sûriyeyê dê aştiyê ji gelê Sûriyeyê re mîsoger bike û dawî li êş û azarên gel bîne.

Hevseroka Kongreya Îslama Demokratîk Delal Xelîl jî nirxandinên Rêber Abdullah Ocalan ên der barê ol û baweriyan de xwendin.

Duyemîn Kongreya Navneteweyî ya Ol û Baweriyan bi beşdarbûnna 300 kesan li Hesekê dewam dike.

(bb)

ANHA