Kongreya Îslama Demokratîk: Biçûkxistina baweriya mirovan cureykî terorê ye

Kongreya Îslama Demokratîk a Bakur û Rojhilatê Sûriyeyê îhanetkirina Qurana Pîroz li Swêdayê ji hêla tundrawekî ve şermezar kir û got biçûkxistina baweriyên mirovan cureyekî terorê ye. Her wiha kongreyê bang kir her kesê baweriyên mezhebekî îhanet bike li gorî lîsteya ragihandina cîhanê ya mafên mirovan darizînin.

29 hezîran, 2023 19:20

Kongreya Îslama Demokratîk a Bakur û Rojhilatê Sûriyeyê li ser paşxaneya heqaretkirina tundrawekî li Qurana Pîroz li pêş mezgeta mezin a li paytexta Swêdayê Stockholmê daxuyaniyek da.

Di daxuyaniyê de hate gotin peyama pêxmeber û aqilmendan li vê cîhanê rêz û qîmetdayîna kesên din derbas nake, ger ew li dijî wê bin jî.

Kongreyê di daxuyaniya xwe de destnîşan kir ku tundrawekî ku Qurana Pîroz îhanet kiriye û bi tundî şermezar kir û ev bi kiryarekî şantajê nîşan da ku bi xwe re civaka Swêdayê parçe dike, dijminahiyê dixe nava civakê.

Kongreyê di dawiya daxuyaniyê de got ji dêvla pransîbên jiyana neteweyî û mirovî geş bikin, di cejna muslimanan de îhanetê lê dikin. Kesê ev sûca şantajê kiriye baweriyên mirovan biçûk dixin û ev yek cureykî ji cureyên terorê ye. Dibe ku ji terorê girantir be, ji ber ku baweriya mirovan parçeyek ji nansname û azadiya wan e, nabe destdirêjî lê were kirin mîna nabe destdirêjî li fîzîka mirovan were kirin. Divê kesê ev kiryar kiriye were darizandin.

(fr)