Şêniyên Minbicê şehîd Feysel El Hecî Mihemed oxir kir

Di merasîma oxirkirinê de bi sedan şêniyên Minbic, endamên saziyên leşkerî, sivîl, jin û nûnerên ji partiyên siyasî amade bûn.

Li goristanê li ser navê Hêzên Ewlekariya Hundirîn a Minbicê efser Elî Hesen axivî û wiha got: "Tu gotin nikarin têkoşîn û berxwedana şehîdan wesif bikin, ji ber şehîdan canê xwe kir meşale ku rêya gelan ronî bike ku bigihînin azadiya xwe."

Hesen wiha domand: "Em soz û sonda xwe ji şehîd Feysel û hemû şehîdan re nû dikin û bi serbilindî dibêjin ku bi we hêz û israr me zêde dibe. Em ê rêya wan bişopînin. Hûn meşaleya me ne û em hemû projeyên şehadetê ne."

Li aliyekî din jî, Hevseroka Meclisa Qanûnsaz Sîham Hemo li ser navê Rêveberiya Sivîl a Demokratîk a Minbicê wiha got: "Em sersaxiyê ji Hêzên Ewlekariya Hundirîn, malbatên şehîdan û dayikên wan re dixwazin. Şehîdên me di oxira welat di ewlehî û îstîqrarê de be canê xwe da. Em soz didin wan ku têkoşînê li hember dijmin bilind bikin."

Dûre endamê Meclisa Malbatên Şehîdan a Minbicê Mehmûd Ebû Îdo wesîqeya şehîd xwend û radestî malbatê kir.

Endamê Hêzên Ewlekariya Hundirîn Feysel El Hecî Mihemed di 8′ê Mijdarê de li Minbicê şehîd bûbû.

(fr)

ANHA