Şêniyên herêma Firatê piştevaniya têkoşîna Kurdên Rojhilatê Kurdistanê kir

Xwepêşandan ji aliyê Tevgera Ciwanên Şoreşger ên Sûriyê û Yekitiya Jinên Ciwan ên herêma Firatê ve hate organîzekirin û bi sedan şêniyên herêma Firatê beşdarê bûn.

Xwepêşandanê ji Qada Şehîd Egîd a li naverasta bajarê Kobanê dest pê kir. Tê de pankertên bi nivîsên “Bi pêşngiya jinan em ê zihniyeta desthilatdar têk bibin, Jin sembola azadiyê ne, bi çanda jinan em ê xayinan têk bibin” hatin bilindkirin û dirûşmeên “Azadî ji bo jinan” hat berzkirin.

Li Qada Jina Azad, endama rêveberiya Tevgera Ciwanên Şoreşger ên Sûriyê û Yekitiya Jinên Ciwan a herêma Firatê Hebûn Mihemed şehîd Arîn Mîrkan bi bîr anî û wiha axivî: “Wekî îro, şehîd Arîn Mîran di oxira aramî û ewlehiya me de canê xwe feda kir.”

Hebûn da zanîn ku îro ev destan li Rojhilatê Kurdistanê dubare dibin û bi pêşengiya jinan gel ji bêdengiya xwe derdikevin û li dijî hikumeta faşîst derdikevin.

Hebûn her wiha piştgiriya jinên ji Rojava bi jinên Rojhilat re nîşan da û tekez kir ku her şehîdek li Rojhilat, şehîdê Rojava ye jî û got: “Her jineke li wir ji bo azadiyê bang dike, em dengê xwe tev lê dikin.”

ANHA