​​​​​​​Li Eyn Îsayê bi sedan kes ji bo azadiya fîzîkî ya rêber Abdullah Ocalan meşiyan

Bi sedan şêniyên navçeya Eyn Îsayê û koçberên kantona Girê Spî ya dagirkirî beşdarî meşê bûn û ji aliyê Partiya Yekitiya Demokratîk (PYD) a kantona Girê Spî ve hate organîzekirin.

Beşdarên meşê li Qada Disîplîna Leşkerî kom bûn û pankartên "Ji rêber Abdullah Ocalan re azadî" hilgirtin û wêneyên wî hildan.

Piştî ku şênî gihaştin Qada Şehîd Cûdî ya li navenda navçeyê, hevserokê Partiya Yekitiya Demokratîk a navçeya Girê Spî Sebrî Nebo axivî û tecrîda ku dewleta Tirk a faşîst ev nêzî 24 sal e li girava Îmraliyê li ser rêber Abdullah Ocalan ferz dike, şermezar kir.

Sebrî Nebo her wiha diyar kir ku dewleta Tirk bi vê tecrîdê planên dewletên dagirker û dijminê azadî û aştiyê pêk tîne.

Nebo anî ziman ku dewleta Tirk ji fikir û îdeolojiya rêber Abdullah Ocalan a ku armanca wê azadiya gelan e, ditirse û di heman demê de ji ber ku bandorê li siyaseta çewisandin û şovenîst a rayedarên Tirk dike, tirsa wê ji pêkanîna vê fikrê li ser erdê heye.

Nebo di dawiya axaftina xwe de destnîşan kir ku bi ruhê têkoşîn û berxwedanê ew ê tecrîda li ser rêber Ocalan bişikînin û planên dijminatiya gelên herêmê têk bibin.

Meş bi berzkirina dirûşmên silavkirina rêber Abdullah Ocalan bi dawî bû.

(hs)

ANHA