Niştecihên Kampa Serêkaniyê: Divê rêxistinên mafên zarokan hedefgirtina zarokan rawestînin

Niştecihên Kampa Serêkaniyê ji bo şermezarkirina êrişên dewleta Tirk a dagirker ên domdar li dijî herêmên Bakur û Rojhilatê Sûriyê û hedefgirtina sivîlan û zarokan xwepêşandanek li dar xist.

NÛÇE

24 tebax, 2022 18:40

HESEKÊ

Niştecihên Kampa Serêkaniyê ya li rojhilatê Hesekê, îro li dijî êrişên dewleta Tirk û hedefgirtina sivîlan xwepêşandanek li dar xist.

Xwepêşandan ji pêşiya Meclisa Kampê dest pê kir û li dawiya wê rawestiya.

Piştî rawestandina xwepêşandanê endama Meclisa Malbatên Şehîdan Hêlîn Sîno daxuyaniyek xwend.

Di daxuyaniyê de êrişên dewleta Tirk a dagirker ên li dijî herêmên û hedefgirtina sivîlan û zarokan hatin şermezarkirin.

Di daxuyaniyê de, hat gotin: “Pêkhateyên herêmê û tevgerên jinan ên li herêmê bi rêya vê çalakiyê nerazîbûnên xwe li hember bêdengiya civata navneteweyî nîşan didin. Hêzên garantor ên li herêmê bi taybet Rûsya û Amerîka berpirsên van êrişan in.”

Di dawiya daxuyaniyê de bang li civata navneteweyî hat kirin ku êrişên dagirkeriya Tirk rewastîne û qada hewayî ya herêmê bigere. Her wiha bang li rêxistinên hiqûqî û mafên mirovan, rêxistinên mafên zarokan hat kirin ku bilez lêpirsînekê der barê êrişên li dijî herêmê pêk tên bi taybet hedefgirtina zarokan de, vekin.

(dm)

ANHA