Şehîdên komkujiya Helincê li Silêmaniyê hatin bibîranîn

Jinên şoreşger Emîne Weysî, Zehra Berkel û Hebûn Mele Xelîl yên beriya du salan di encama bombebarana dewleta Tirk de li Rojava şehîd bibûn, li Silêmaniyê bi semînerekê hatin bibîranîn.

22 hezîran, 2022 19:29

NAVENDA NÛÇEYAN

Jinên şoreşger Emîne Weysî, Zehra Berkel û Hebûn Mele Xelîl yên beriya du salan di encama bombebarana dewleta Tirk a li gundê Helincê yê Kobanê de şehîd bibûn, li Silêmaniyê bi semînerekê hatin bibîranîn. Gelek jinên ji Rojava û Başûrê Kurdistanê Kurdistanê tev li semînera bîranînê bûn.

Di semînerê de Nûnera Kongra Star a Başûrê Kurdistanê Leyman Şiwêş axivî, her sê jinên şoreşger bi bîranî û got: “Bê dudilî bijîn beşdarî şerê bê navber ên li dijî çeteyên DAIŞ’ê bûn. Bi taybet ji bo azadiya jin û civakê di eniyên herî pêş de şer kirin. Heta bêhna xwe ya dawî li dijî pergala baviksalarî û kolonyalîzmê ji bo avakirina jiyaneke alternatîf di refên herî pêş de bûn. Erka me ew e ku em li ser rêya ku wan bimeşin û mîrateya wan biparêzin.“

Piştî axaftinan ji aliyê dayikên şehîdan en Rojavayê Kurdistanê ve mûm li ber wêneyên her sê jinên şoreşger hatin pêxistin. Piştre jî li ser jiyan û têkoşîna wan sînevîzyonek hate nîşandan.