Şêniyên Qamişlo û Hesekê mûm li ser gorên şehîdan pêxistin

Bi sedan malbatên şehîdan û şêniyên bajar û navçeyên Qamişlo û Hesekê berê xwe dan goristanên şehîdan û bi boneya Roja Şehîdan ku dikeve 18’ê Gulanê, mûm li ser gorên şehîdan pêxistin.

Bi dehan malbatên şehîdan û şêniyan berê xwe da Goristana Şehîd Delîl Sarûxan a li Qamişlo, Goristana Şehîd Xebat Dêrik a li herêma Dêrikê û Goristana Dilşêr a li gundê Dugirê yê li navçeya Tirbespiyê.

Li Hesekê jî, şêniyan berê xwe da Goristana Şehîd Dijwar a li gundê Dawûdiyê, her wiha şêniyên Til Temirê jî şêniyan berê xwe da goristana şehîdan a li Til Temirê, her wiha şêniyên Dirbesiyê jî berê xwe da Goristana Şehîd Rustem Cûdî ya li gundê Berkevirê.

Piştî deqeyeke rêzgirtinê, malbatên şehîdan û şêniyan mûm li ser gorên şehîdan pêxistin û soza da ku heta pêkanîna azadî û serkeftinê rêya wan bişopînin.

(fr)

ANHA

<iframe width="560" height="315" src="https://www.youtube.com/embed/CMgB2KcaW48" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>