Li Hesekê şehîd hatin bibîranîn

Şêniyên bajarê Hesekê 190 şehîdên meha Çile û Sibatê û şehêdên Pêngava Gurzê Gelan bi merasîmekê bi bîr anîn. Di merasîmê de banga xurtkirina têkoşînê ji bo têkbirina planên li dijî herêmê û parastina destekftiyên şehîdan hatin kirin.

NÛÇE

26 sibat, 2022 15:17

HESEKÊ

Meclisa Malbatên Şehîdan a bajarê Hesekê merasîmê bîranîna 35 şehîdên Pêngava Gurzê Gelan û 93 şehîdên meha Çile, her wiha 62 şehîdên meha Sibatê yên ji şervanên QSD`ê, Hêzên Ewlekariya Hundirîn, Erka Xweparastin û HPG`ê li dar xist. Merasîma bîranînê li hola Serdem a bajar hate lidarxistin. Bi dehan şênî, malbatên şehîdan û nûnerên meclisa kantona Hesekê, her wiha QSD`ê û Hêzên Ewlekariya Hundirîn beşdarî merasîma bîranînê bûn.

Merasîma bîranînê bi rêzgirtin dest pê kir. Paşê ji rêveberên Meclisa Leşkerî ya Hesekê Şiyar Hesekê axivî, behsa lehengiya hêzên leşkerî û berdêlên ku şehîdan di Pêngava Gurzê Gelan de da, kir.

Şiyar Hesekê destnîşan kir ku QSD`ê dê her tim şopdarên rêya şehîdan be heta ku serkeftin û azadiyê bidest bixe.

Her wiha endama Kongra Star Wesif Şebût jî sersaxî ji malbatên şehîdan û tevahî gelên Bakur û Rojhilatê Sûriyê re xwest û soza bilindkirina asta têkoşînê da heta ku armancên şehîdan pêk bînin.

Di dawiyê de sînevizyon hate pêşandan û têde wêneyên şehîdên meha Çile, Sibat û şehîdên Pêngava Gurzê Gelan, hebûn.

(bx)

ANHA