Bi diruşma "Tev li cenga azadiyê bibin" ciwanan meşek li dar xist

Bi dehan ciwanên Til Temirê bi meşekê komploya li dijî rêber Ocalan şermezar kir û da zanîn ku ew ê li ser fikir û felsefeya rêber Ocalan heta azadiya wî ya fîzîkî berdewam bikin.

CIWAN

7 sibat, 2022 16:37

HESEKÊ

Bi dehan ciwanên Til Temirê ya Hesekê li pêş navenda ciwanan kom bûn, wêneyên rêber Ocalan û alên Tevgera Ciwanên Şoreşger hildan. Ji wir dest bi meşê kir û diruşmên şermezarkirina komploya li ser rêber Ocalan berz kirin.

Meşa ciwanên ji pêş navenda ciwanan dest pê kir û li tevahî kolanên bajêr gerî û diruşmên şermezarkirina komploya li dijî rêber Ocalan berz kirin û bang azadiya fîzîkî ya rêber Ocalan kir.

Meş li çerxeriya Kehrebê rawestî û li wir agir pêxistin, dûvre endamên Tevgera Ciwanên Şoreşger a Til Temirê axivîn. Her wiha Ebdul Wehab Teyo û Ebod El-Raxib axivî û komploya navneteweyî ya li dijî rêber Ocalan şermezar kirin û gotin ji bo gelê Kurd û tevahî gelên bindest ev rojên reş in.

Axêveran da zanîn ku dê ciwan têkoşîna xwe heta azadiya fîzîkî ya Ocalan berdewam bikin û li ser fikir û felsefeya wî bimeşin.

Meş bi diruşmên banga azadiya fîzîkî ya rêber Ocalan û şermezarkirina komploya navneteweyî bi dawî bû.

(fr)

ANHA