Şêniyên Sirînê salvegera damezrandina Kongra Star pîroz kir

Şêniyên navçeya Sirîn, endamên Kongra Star, saziyên navçeya Çelebiyê û bajarokê Bilik salvegera Kongra Star ku dikeve 15’ê Çileyê pîroz kir.

Şahî li Navenda Çand û Hunerê ya Sirînê ku 40 kîlometre dikev başûrê Kobanê hat lidarxistin. Di şahiyê de endama Mala Jinan a Kongra Star a Sirînê Muna Ehmed axivî û wiha got: "Ji ber Kongra Star sazî û dayika hembêzker e bi damezrandina wê re hemû reng temam bûn. Ev tê wateya ku felsefeya rêber Abdullah Ocalan a bi "Jin jiyana civakê ye" jî temam bû."

Muna Ehmed wiha domand: "Kongra Star di damezrandina 17’an de îsbat kir ku jin hêmaneke aktîf e ku li hember tiştekî nasekine û bang azadî û aştiyê dike."

Li aliyekî din jî Hevseroka Şaredariya Qadiriyê Emel Mistefa erka Kongra Star bi bîr xist û ev tişt got: "Kongra Star di têkoşîna li dijî tundiyê de piştevanê yekemîn ji jinan re ye, her wiha piştevanê têkbirina zihniyeta mêrdestiyê ye. Ew sîwan û tevahî jinê

Cîgira Hevserokatiya Navçeya Çilebiyê Selwa Hec Mehmûd jî soz da tevahî jin û wiha got: "Em ê we ji koletî û zihniyeta mêrdestiyê rizgar bikin. Ji ber koletî û zihniyeta mêrdestiyê jin ji cewhera wê bi dûr xist û xist çarçoveya qalibên edat û kevneşopiyên nijadperestî û li hember azadiya we dibûn asteng. Lê jina azad civakeke azad diafirîne."

Şahî bi mûzîk, mewal û stranên folklorîk ên ji hêla koma şehîd Xabûr ve bi dawî bû.

Kongra Star di 2005’an de hate damezrandin û bi nave Yekitiya Star bû. Lê di kongreya 6’an a di 25’ê Sibata 2016’an de nav bû Kongra Star. Çalakiyên xwe li Bakur û Rojhilatê Sûriyê, Başûr û Bakurê Kurdistanê, Lubnan û gelek welatên ewropa pêk tîne.

(fr)

ANHA