Şehîd Egîd li Minbicê hate oxirkirin

Malbatên şehîdan û şervanên hêzên leşkerî cenazeyê şervanê Meclisa Leşkerî ya Minbicê Salih Fewaz El-Xelef (Egîd) yê ku di encama bersivdayîna êrişên artêşa Tirk a dagirker û çeteyên wê li eniya xeta Sacûrê de şehîd bû, li goristana Şehîdan spart axê.

Malbatên şehîdan û şervan cenaze ji nexweşxaneya Firatê wergirtin û ber bi goristana Şehîdan ve çûn.

Merasîm bi deqeya rêzgirtin û torana leşkerî ya Meclisa Leşkerî ya Minbicê dest pê kir.

Ji fermandarên Meclisa Leşkerî ya Minbicê Ebdurehman El-Benawî got: "Em guleke nû di baxçeyê şehîdan de diçînin. Ev  baxçe yê leheng û qehremanên ku di oxira rizgarkirina welat de canê xwe feda kirine."

El-Bendawî soza şopandina xeta şehîdan da.

Paşê, endamê Meclisa Malbatên Şehîdan Mihemed El-Şêx jî wiha got: "Em şehîdan didin da ku welatê me ewle û aram bibe. Em bi şehîdên xwe yên leheng ên ku xeta azadî û demokrasiyê de destan nivîsandine, serbilind in."

Endamê Meclisa Malbatên Şehîdan Mehmûd El-Îdo nasnameya şehîd xwend û radestî malbatê kir.

Cenazeyê şehîd di nava diruşme û tilîliyên dayikan de hate veşartin.

ANHA

<iframe width="560" height="315" src="https://www.youtube.com/embed/BWTvfP3fbNc" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>