Li Til Temirê ji bo bîranîna şehîd Rênas Roj turnuveya futbolê

Li navçeya Til Temirê ji bo bîranîna fermandarê YPG'ê Selahettin Şehabî (Rênas Roj) ê ku19'ê Tebaxê di êrişa hawayî ya dewleta Tirk a li ser rêya Elî Fero ya nêzî Qamişlo şehîd bû, turnuveyeke fotubolê hate organîzekirin.

Ji navçeyê 20 tîman beşdarî turnveyê bûn, tîm li ser 5 koman hatin dabeşkirin  .

Maça yekemîn di navbera tîma Huriye û tîma Til Werid  de dest pê kir.

Bi dehan şêniyên navçeya Til Temirê û hezkiriyên werzîşê bi hildana wêneyên şehîd Rênas Roj amade bûn. Tîma Huriye bi (3-2) bi ser ket.

Têkildarî turnuveyê yek ji çavdêrên orgenîzekirina turnoveyê Mihemed Umer axivî û got: "Bi armanca bibîranîna şehîd Rênas Roj û bibîranîna tevahiya şehîdên ku ji bo parastina herêmê canên xwe feda kir, ev turnuve hate lidarxistin,  ji ber ku îro em bi saya wan bi aştî û azadî dijîn."

Mihemed Umer ev li gotina xwe zêde kir: "Îro maç di navbera tîma Huriye El-Şabî û tîma Til Werid de bû, di demekê de ku tirsê herêm serwer kiriye, lidarketina çalakiyên wiha jiyanê vedigerîne xwezaya wê."

Mihemed Umer wiha gotina xwe bi dawî kir: "Jiyan berdewam dike û em li hemberî hemû astengên ku bajarê Til Temirê pê re rû bi rû dimîne, disekinin. Li ser vê yekê em ji her kesî re piştrast dikin ku em ê li ber xwe bidin, jiyan û werzîş berdewam e."

(eh)

ANHA