Li Qamişlo "Rêxistina organîzekirî ya sûc" hate rûxandin

Di operasyona ku li bajarê Qamişlo hat lidarxistin de, 8 endamên "Rêxistina organîzekirî ya sûc" hatin girtin û ji aliyê dadgehê ve hatin cezakirin.

NÛÇE

29 tebax, 2021 10:42

NAVENDA NÛÇEYAN

Ev demeke li herêmên Bakur û Rojhilatê Sûriyê û Rojavayê Kurdistanê operasyonên ku li dijî sûcên dizî, gendelî û hwd. hatibûn destpêkirin, berdewam dikin. Civak jî piştgiriyeke mezin dide vê pêngavê.

8 endamên rêxistina organîzekirî ya sûc ku sûcên wekî çêkirin belgeyên sexte, sextekariya fatûrayan, û bi bertîl kirîn-firotin ji endamên komîteyan re, gendelî, peydekirina amûrên sexte, sextekarî hijmar û pereyên amûran de, zirerdayîna saziyên Rêveberiya Xweser û QSD`ê kirine, hatin girtin.

Sûcdarên ev sûc kirine ketibûn nav saziyên Rêveberiya Xweser û QSD`ê bi milyonan dolar dizîbûn û hemû sûcên wan hatin piştastkirin. Sûcdar bi biryara dadgehê hatin girtin û ew rêkirin girtîgehê.

Dadgehê di darizandina sûcdaran de, ew bi navê "Rêxistina organîzekirî ya sûc"binav kir û ew ceza kirin.

Navên sûcdarên ku ji aliyê dadgehê ve hatine darizandin wiha ne; S.A.H, M.E.H, K.C.R, D.Ş.Î, G.A.E, Î.D.M, S.A.S, D.R.A.

Li gorî agahiyan, têkoşîna li dijî gendelî, sextekarî û diziyê berdewam dike.

ANHA