Şehîd Rîtac li Minbicê hate veşartin

Şêniyên bajarê Minbicê û gundewarên wê cenazeyê şehîd Esma Ehmed (Rîtac) ji pêşiya Nexweşxaneya Firatê  wergerkirin û bi karwanekî erebeyan bi berzkirina diruşmên dilsoziya bi şehîdan re ber bi goristana Şehîdan a li başûrê bajar ve çû.

Li goristana Şehîdan şervanên Meclisa Leşkerî ya Minbicê hemwextî deqeya rêzgirtinê toreneke leşkerî li dar xist.

Piştre endama Meclisa Leşkerî ya Jinan a Minbic Roj Cerablus axivî û got:"Kesên xwîna xwe fedayî welêt dike, heta ku rihê biçe jî dijmin ditirsînin ji ber ku peyameke eşkere dide dijmin."

Endama Meclisa Malbatên Şehîdan a Minbicê Kefa El-Elî got, şoreşa ku jinan negire nava xwe ne mumkin  e ku serkeftinê qezenc bike.

Hevseroka Meclisa Qanûnsaz a Minbicê Sîham Hemû got:"Îro em çîçekekê ji çîçekên Hêzên Parastina Jin dispêrin karwanê şehîdan da ku bi xwîna erda bajarê Minbicê av bide."

Endama Kombûna Jinên Zenûbiya ya Minbicê Fadiye Resûl axivî û destnîşan kir ku ew bi rêzdarî li hemberî şehîd Rîtac disekinin.

Piştî axaftin bi dawî bû, endama Meclisa Malbatên Şehîdan a Minbicê Mihemed El-Şêx nasnameya şehîd Esma Ehmed xwend û radestî malbatên kir. Şehîd di nava slogan û tililiyên dayikan hate veşartin.

(eh)

ANHA