Şêniyên Helebê bi meşekê banga yekitiya neteweyî kir

Şêniyan bi wêneyên rêber Abdullah Ocalan û pankartên "Ji yekitiya neteweyî re erê.. ji xiyanet û dagirkeriya Tirk re na" ji pêşiya hola civînan a beşê rojavayê taxa Şêxmeqûsdê dest bi meşekê kirin. Di meşê de diruşmeyên banga yekitiya neteweyî ya kurdî hatin berzikin.

Meş li ber navenda meclisa taxa Şêxmeqsûd a rojava rawestiya û ji bo bîranîna şehîdan deqeyeke rêz hate girtin. Piştre endamê Meclisa Giştî ya Şêxmeqsûd û Eşrefiyê Qazqilî Hisên êrişên dewleta Tirk a dagirker ên li ser Başûrê Kurdistanê şermezar kirin û banga hevgirtin sekina li hemberî dagirkeriyê li partî û hêzên kurdî kir.

Endama Kongreya Star Elîfe Hisên jî anî ziman ku dijminê gelê Kurd hewl dide kurdan qir bike, nasname û hebûna wan îmha bike û wiha domand: "Bi armanca dagirkirina xaka kurdan gelek komkujî li dijî kurdan pêk anîn. Ev siyaset û qirkirin ji ber neyekitiyan kurdan e, berjewendiyên dewletên kapîtalîzmê di parçekirina kurdan de ye."

Elîfe Hisên banga yekitiya neteweyî li hêzên kurdî û xwedîderketina li destkeftiyên şehîdan kir.

Çalakî bi diruşmeyên banga avakirina yekitiya kurdî bi dawî bû.

ANHA

<iframe width="560" height="315" src="https://www.youtube.com/embed/NbRhfXFo-R8" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>