Mîhrîcana 7’an a Kurteçîroka Kurdî bi belavkirina xelatan bi dawî bû

Çalakiyên Mîhrîcana 7’an a Kurteçîroka Kurdî ya ku Yekitiya Nivîskarên Kurd li Sûriyê di 1’ê Tîrmehê de bi diruşma"Çîrok bang e...xwenasîn û vedeng e" li dar xistiye, bi dawî bûn.

Di 5 rojên mîhrîcanê de ku li hola Zana ya bajarê Qamişloyê hate lidarxistin 40 kurteçîrok hatin xwendin. Nivîskar li gorî şer û mercên Yekitiya Nivîskarên Kurd li Sûriyê danîne, beşdar bûn.

Çalakiyên roja dawî bi deqeyeke rêzgirtinê dest pê kirin, piştre 5 nivîskaran kurteçîrokên xwe xwendin.

Komîteya nirxandinê ya ku ji nivîskar, rexnegir û nivîskarên ji çar parçeyên Kurdistanê pêk tê, kurteçîrok nirxandin û 3 kurteçîrokên herî baş hatin xelatkrin.

Nivîskarê ji bajarê Efrîna dagirkirî Merwan Berekat li ser kurteçîroka xwe ya bi navê "Gulfiroş" xelata yekemîn wergirt, nivîskar Kerem Tokoglu û nivîskar Lema Elî  xetala duyemîn wergirtin û nivîskar Qado Şêrîn xelata sêyemîn wergirt.

Yekitiya Nivîksarên Kurd li Sûriyê kesê xelata yekemîn wergirtî, pereyekî milyon û 500 hezar lîreya Sûriyê wek diyarî da û yên xelata duyemîn wergirtine 2 milyon lîreya Sûrî da û xelata sêyemîn jî 500 hezar lîreya Sûriyê da. Lê nivîskarên dîtir jî gelek pirtûk û kulîlk wergirtin.

Lê nivîskar Merwan Berekat ê ku xelata yekemîn a mîhrîcana îsal wergirtiye got ew xelata xwe diyarî koçberên Efrînê yên di kampan de dike.

(fr)

ANHA