Şêniyên Kobanê sersaxî ji malbata şehîd Daban Şêxo re xwest

Şêniyên Kobanê û Meclisa Malbatên Şehîdan a Herêma Firatê, nûnerên Rêveberiya Xweser û saziyên civaka sivîl û leşkerî, li gundê Seftikê sersaxî ji malbata şehîd re xwestin.

Hevserokê Meclisa Partiya Yekitiya Demokratîk a navçeya El-Qinayê Şewket Mexarî axivî û piştrast kir ku divê rêyê şehîdan  û rêya ku rêber Abdullah Ocalan xêz kiriye,  were şopandin.

Bi navê malbata şehîd, Ehmed Şêxo apê şehîd Daban Şêxo axivî û diyar kir ku dîrokê isbat kir eger ne bi saya van şehîdan ba, ew nedigihiştin vê qonaxê.

Ehmed Şêxo got:" Wek ku şehîd Mihemed Xeyirî Dûrmûş gotiye' li ser gora min binivîsin ez deyndarê gelê Kurd û Kurdistanê me' em jî deyndarê şehîd, Kurdistan û rêber Abdullah Ocalan in."

Daban Şêxo di 25'ê Hezîranê li nêzî gundê Qere Qozaq a başûrê Kobanê şehîd bûbû û duh li goristana Şehîd Dîcle bi merasîmekê hat oxirkirin.

(dm)

ANHA 

<iframe width="560" height="315" src="https://www.youtube.com/embed/Z5YNqSk4TdI" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>