Encamên werşeya kar a Meclisa Jinên Sûriyê eşkere bûn

Nûnerên partiyên siyasî, rewşenbîr û endamên Melisa Jinên Sûriyê tev li werşeyê bûn.

Di destpêkê de, Endama Komîteya Qanûnî ya Meclisa Jinên Sûriyê Xedîce Şewax der barê girîngtirîn destûrên Sûriyê de got: "Her guhertineke siyasî pêwîst dike ku destûr were guhertin yan jî veguhertin. Tevî ku gelek destûrên Sûriyê hene, lê girîngtirîn destûr di sala 1950`yî de bû."

Xedîce Şewax wiha domand: "Ji sala 1920`an ve destpêka avakirina serxwebûna dewleta Sûriyê ji dewleta Osmanî bû. Yekemîn destûra melek Feysel 1920`an de li Sûriyê hate bikaranîn, lê nehat berdewamkirin, ji ber welat rastî êrişên Fransayê hat û tenê di aliyê şekil û mekanîzmeya veguhertina serweriyê de ma."

Xedîce Şewax di axaftina de behsa derbeyên leşkerî ku li Sûriyê çêbûne kir û da zanîn ku welat derbasî pêngaveke ji derbeyên leşkerî bû, ji wan derbeya Edîb Şîşeklî û Hisnî El-Zehîm û piştî wê jî destûreke nû ji welêt re bi navê destûra serxwebûnê hate dayîn.

Paşê deriyê nîqaşan der barê destûr, mekanîzme û zehmetiyên ku rastî wan hatin, hate vekirin. Di dawiyê de encamên werşeya kar hatin diyarkirin ji wan; Veqetandina ol ji siyasetê, itîrafa bi hemû neteweyan, misogeriya civakî, beşdarbûna jinê di avakirina destûrê de, derfetê nedin serokê ku zêdetirî carekê were hilbijartin û pirrengiya partiyan li Sûriyê.

(bx)

ANHA

<iframe width="560" height="315" src="https://www.youtube.com/embed/4LHghTn6PHs" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>