Mizgîn Ehmed: Rojbûna rêber Ocalan rojbûna heqîqeta mirovahiyê li Rojhilata Navîn e

Di şahiya rojbûna rêber Abdullah Ocalan a li Şehbayê de, endama Komîteya Azadiya Reber Abdullah Ocalan Mizgîn Ehmed axivî. Mizgîn Ehmed rojbûna rêbertî li gelê Kurd û tevahî gelên cîhanê pîroz kir û got:'' Rojbûna rêber Ocalan rojbûna heqîqeta li Rojhilata Navîn, rojbûna mirovahî û mirovên azad e. Rojbûna rêbertî bûye rojbûna nasnameya gelên Rojhilata Navîn e''.

Mizgîn piştrast kir ku pergalên desthildar û mêtînger hewl didin ku di kesayeta rêber Ocalan de gelê Kurd û tevahî gelên Rojhilata Navîn tune bikin û li ser vê bingehê rêber Ocalan wiha dibêje: '' Ez dizanim ku gelê Rojhilata Navîn ji ber rêjîma hovane di şert û mercên dijwar re rû bi rû dimînin.''

Mizgîn Ehmed got: "Divê em li derdora fikir û felsefeya rêber Abdullah Ocalan kom bibin da ku rastiya neteweya demokratîk û jiyana azad nas bikin û pêşkêşî gelên Rojhilata Navîn bikin. Em li pêşberî berpirsyartiyeke dîrokî, wijdanî û exlaqî ne ku rêber Ocalan girtiye ser milê me."

Mizgîn Ehmed banga xurtkirina berxwedan û yekitiya gelan kir û wiha domand: "Ji bo ku em karibin Rojhilata Navîn vegerînin kokên wê yên bingehîn divê em berxwedanê xurttir bikin, yekitiya gelan ava bikin û dengê wan bikin yek, ji ber ku pergalên mêtînger hewl didin çandên tevahî pêkhateyan û nirxên civakê biçewisînin."

Di berdewama axaftina xwe de endama Komîteya Azadiya Rêbertî got, ev serdem bûye serdama neteweya demokratîk, azadiya rêber Abdullah Ocalan û mayîna Rêveberiya Xweser a Bakur û Rojhilatê Sûriyê û wiha pê de çû: "Ji ber ku gelê Bakur û Rojhilatê Sûriyê ji bo rêveberiya xwe ya rewa ked da, ev rêveberî yekitiya gel û rêberê wê diparêze."

Mizgîn Ehmed diyar kir ku pergalên serdest hewl didin dengê gel bisekinin û got: "Lê dema ku hêrsa gel û kombûna wê li derdora rêbertî û çalakiyên tevahî pêkhateyan li qad û kolandan dîtin, tecrîda li ser rêbertî girantir kir, ji ber ku fikirê rêbertî tevahî gelan şiyar dike."

Endama Komîteya Rêbertî Mizgîn Ehmed axaftina xwe wiha bi dawî kir: "Dewleta Tirk û hêzên serdest bi îdiayên der barê tenduristiya rêber Apo de hewl da ku gel serî daxîne, lê dema ku Kurd  û şêniyên Bakur û Rojhilatê Sûriyê dibêjin bê serok jiyan nabe divê tevahî cîhanê vê rastiyê nas bike û şaştiyan neke, ji ber ku ev şaştî wê li ser serê wan bibe belayek."

(dm)

ANHA

<iframe width="560" height="315" src="https://www.youtube.com/embed/QWnIENsvfew" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>