Şêniyên Minbicê cenazeyê şehîd Beşar Enwer Xelîl spart axê

Bi beşdariya bi sedan şêniyên Minbicê, karwaneke girseyî ji pêş Nexwexaşeya Firatê ber bi goristana şehîdan a rojavayê bajêr kete rê.

Li goristanê şênî deqeyeke rêz girt û şervanên Meclisa Leşkerî ya Minbicê toraneke leşkerî pêşkêş kir û piştre ji fermandarê Meclisa Leşkerî ya Minbicê Îbrahîm Hemdan wiha got: "Serê malbatê sax be û rola şehîd di rizgarkirina Minbicê de ya mezin e. Şehîd beşdarî gelek hemleyên li herêmên Bakur û Rojhilatê Sûriyê bû."

Dûvre endama Meclisa Malbatên Şehîdan Hesnaa Zahir wiha axivî: "Şehîdan dîrok afirand û efsaneyên qehreman ji bo parastina xak û welat nivîsandin."

Bi nave Rêveberiya Xweser a Demokratîk a Minbicê, Hevserokê Komîteya Fêrkirin û Perwerdê Suhêl Walî jî wiha got: "Divê em fikirên şehîdan belav bikin û li ser şopa wan a parastina wela bimeşin."

Bi navê Rêveberiya Xweser a Minbic û Gundewarên wê, hevserokê Komîteya Karên Civakî ya Rêveberiya Xweser Farûq Maşî axivî û îşaret bi rola şehîdan a neşxekirina pêşerojê kir  û got divê ew parastina destkeftiyan bikin.

Li dawiyê, endama Meclisa Malbatên Şehîdan Cemîle Îbrahîm wesîqeya şehîd xwend û radestî malbatê kir û piştre cenazeya şehîd di nava telîliyên dayikan û silavkirina şehîdan de hate oxirkirin.

(fr)

ANHA

<iframe width="560" height="315" src="https://www.youtube.com/embed/0iWNXQb6DAg" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>