'Ji bo têkbirina planên dagirkeriyê hevgirtin pêwîst e'

Dewleta Tirk a dagirker bi rêya gefên xwe yên domdar ên li dijî herêmên Bakur û Rojhilatê Sûriyê hewl dide qada dagirkeriya xwe berfireh bike. Piştî serdana dawî ya Wezîrê Parastinê yê dewleta Tirk Hulusî Akar a ji Bexda û Hewlêrê re û hevdîtina bi gelek rayedarên li wir re ku di 18 û 19`ê Çileya derbasbûyî de pêk hatibû, serokkomarê Tirkiye di 22`yê Çileyê de gefên pêkanîna êrişeke nû ya li dijî herêma Şengalê ya Başûrê Kurdistanê xwarin. Hemwextê wê yekê êrişên li dijî navçeya Eyn Îsa û Til Temirê didomînin.

Li dijî gefxwarinên serokkomarê dewleta Tirk ên li ser herêmên Bakur û Rojhilatê Sûriyê bertek zêde dibin. Ji ber ku dewleta Tirk hewl dide xewna xwe ya Osmanî li ser hesabê rijandina gelê Sûriyê pêk bîne.

Girêdayî mijarê, serokê Nivîsgeha Partiya Mûhafezekarên Demokratîk a navçeya Til Hemîsê Ferec Îbrahîm El-Hemûd ji ajansa me re diyar kir ku kesên ku alîkariya dewleta Tirk dikin ku xaka Sûriyê dagir bikin ew hevkarê vê dagirkeriyê ne.

Ferec El-Hemûd got: "Erdogan hewl dide desthilata xwe ya Osmanî zindî bike û welatê me dagir bike, lê belê welat welatê me ye, ji beriya hezarên salan ve em lê dijîn, em qebûl nakin ku tu dewlet êrişî welatê wan bikin û gelên wan qetil bikin.

Ferec El-Hemûd bang li dewletên cîhanê û rêxistinên mafên mirovan kir ku gelê Sûriyê yên mayî rizgar bikin.

Serokê Nivîsgeha Partiya Mûhafezekaran a Til Hemîsê Ferec El-Hemûd di dawiyê de bang li civaka navneteweyî kir ku piştgiriya gelê Sûriyê bike.

ꞌLI DIJÎ PROJEYA DEMOKRATÎK A LI BAKUR Û ROJHILATÊ SÛRIYÊ HEWLDANA DERBEKIRINÊ HEYEꞌ

Li aliyekî din jî endamê Meclisa Partiya Sûriya Pêşerojê ya Til Hemîsê Mihemed El-Deham behsa siyasetên dewleta Tirk ên dagirkirina herêmên Bakur û Rojhilatê Sûriyê kir.

El-Deham diyar kir ku dewleta Tirk ji destpêka krîza Sûriyê û heta niha de tu roleke erênî nelîstiye, yan jî bi armanca misogerkirina aramiyê tu alîkarî bi gel re nekirine, berovajî vê yekê li herêmên Bakur û Rojhilatê Sûriyê bi rêya dagirkirina herêmên Bakur û Rojhilatê Sûriyê, hewldana derbekirina projeya neteweya demokratîk dike.

Der barê rewşa ku herêmên dewleta Tirk a dagirker ew dagirkirine Mihemed got :"Heta niha tu aramî li van  herêman tune ye û ji ber komên cuda yên li wir ewlehî tune ye û gelek sûcên qetilkirinê têne kirin."

ꞌÊRIŞÊN DEWLETA TIRK BI ARMANCA TUNEKIRINA ÇANDA CIVAKAN INꞌ

Serokê Nivîsgeha Partiya Nûjen û Demokrat a Sûriyê ya Til Hemîsê Yasir El-Xidir got dewleta Tirk bi rêya gefên xwe û êrişên li ser herêmên Bakur û Rojhilatê Sûriyê hewl dide çanda herêmê tune bike û xaka Sûriyê dagir bike.

Yasir El-Xidir bang li şêniyên herêmên Bakur û Rojhilatê Sûriyê kir ku li dijî planên dewleta Tirk hevgirtina xwe çêkin û got: "Ji bo têkbirina planên dewleta Tirk ên li ser Bakur û Rojhilatê Sûriyê  divê tevahî pêkhateyên herêmê hevgirtî bin, ji ber ku dewleta Tirk dixwaze li ser hesabê xwîna gelê Sûriyê nexşeya xwe ya dagirkiriyê xêz bike."

(eh)

ANHA

<iframe width="560" height="315" src="https://www.youtube.com/embed/hh2LjPCn41c" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>