Jinên Reqa û Tebqa banga hesabxwestinê ji tecawizkaran kirin

Jina bi navê (R.B) piştî ku ji hêla îstixbarata leşkerî ya girêdayî dewleta Tirk ve hate girtin, çeteyan tecawiza bi komî lê kirin.

Li ser mijarê endamên Rêveberiya Jinan  a Reqayê daxuyaniyekê ji raya giştî re parve kirin. Daxuyanî ji aliyê endama komîteya lihevkirinê Zehra El-Şelal ve hate xwendin.

<iframe width="560" height="315" src="https://www.youtube.com/embed/SiJmaFuXSdM" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Di daxuyaniyê de hate gotin: " Li ser navê jinên Reqayê em sûcên bêexlaqî yên li dijî jinên li herêmên ku ji hêla hikumeta Tirkiyê û çeteyên wê ve hatine dagirkirin, şermezar dikin."

Di daxuyaniyê de hate diyarkirin ku " Ew bûyera hovane îspat dike ku berpirsên van kiryaran û alîgirên wan tu têkiliya wan bi exlaqê re nîne."   

Her wiha bêdengiya rêxistinên mafên mirovan û rêxistinên jin ên navneteweyî li hemberî van sûcan hate şermezarkirin û wiha hate domandin: "Bêdengiya dewletên Rojhilata Navîn asta dûrketina wan ji doz û şoreşa me nîşan dide, ku me berdêlê vê 13 hezar şehîd û 25 hezar birîndar dan. Sûca herî mezin ku mirovahiyê nas kirine destdirêjiya li jinan û binpêkirina rûmeta wan e."

Daxuyanî bi durişmeyên silavkirina berxwedana jinên azad, berxwedana gel û Hêzên Sûriya Demokratîk, bi dawî bû.

Meclisa Jinan a Tebqayê jî daxuyaniyek da. Endama rêveber a Meclisê Ranya Bîtar daxuyanî xwend û wiha hate gotin:

"Em wek Meclisa Jinan a Tebqayê bi tundî van sûcên hovane yên li dijî jinên Sûriyê şermezar dikin û bang li rêxistinên mafên jinan û mirovan û rêxistinên civaka navneteweyî dikin ku bi lez tev bigerin û bêdengiya xwe rawestînin, sûcdaran vê sûcê muhasebe bikin û dijmin ji xaka me derxin."

Li dawiya daxuyaniyê, endamên Meclisa Jinan a Tebqayê diruşmên; bijî berxwedana jina azad, hilweşe dagirkeriya Tirk û çeteyên wê, berz dan.

 (dx/fr)

ANHA

<iframe width="560" height="315" src="https://www.youtube.com/embed/cr2pPiL8Zyo" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>