Komîteya Şopandinê civîna xwe ya yekemîn li Hesekê li dar dixe

Meclisa Sûriya Demokratîk (MSD) piştî 13 civînên ku li tevahiya bajarên Bakur û Rojhilatê Sûriyê bi tevlêbûna gelek kesayetên welatparêz û muxalif li dar xistin, di 25`ê Mijdarê de Kongreya Nîştimanî ya Şêniyên Cizîr û Firatê li dar xist.

Di encama kongreyê de ku li Hesekê li dar ketiye, zêdetirî 300 kesayetên ji bajarên cuda yên Sûriyê û kesayetên ji muxalefeta Sûriyê yên li derve tev lê bûn, 17 biryar û avakirina komîteyekê ku ji 16 endaman pêk tê, hate dayîn. Ev komîte wê biryar û mekanîzmaya pêkanîna biryarên kongreyê bişopîne. 

Îro li bajarê Hesekê Komîteya Şopandinê bi tevlêbûna 16 endamên xwe yên ku nûnertiya tevahiya bajarên Bakur û Rojhilatê Sûriyê dikin, civîna xwe ya yekemîn li dar dixe. Ji nav wan endamên komîteyê, fermandarê giştî yê Hêzên Sûriya Demokratîk Mezlûm Ebdî û hevseroka Meclisa Sûriya Demokratîk (MSD) Emîne Omer hene.

Li gorî agahiyên ku hatine bidestxistin, komîteyê bi armanca pêkanîna biryaran û derbaskirina kêmasiyan, mekanîzmaya karê komîteyê û belavkirina erkan li ser endamên wê, nîqaş dike.

Civîn li pêşiya çapemeniyê girtî didome.

(şx)

ANHA

<iframe width="560" height="315" src="https://www.youtube.com/embed/ZZJDLvijAT8" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>