Çeteyên Tirk li Efrînê zarokek jî di nav de gelek sivîl revandin

Çeteyên dewleta Tirk a dagirker gelek sivîlên Efrînê ku di nava wan de zarok jî hebûn, revandin. Çarenûsa kesên hatine revandin hîna ne diyar e.

30 mijdar, 2020 09:36

ŞEHBA

Sûcên dewleta Tirk a dagirker û çeteyên wê li dijî sivîlên kantona Efrînê ya dagirkirî dewam dikin.

Çavkaniyekî ji navçeya Şiyê ragihand ku çeteyên koma bi navê “Sultan Silêman Şah”, Emşat û Lîwa Weqas ê girêdayî artêşa Tirk a dagirker gelek sivîl ji gundên navçeyê revandin.

Çavkanî, navên kesên ku di demên cuda yên vê mehê de hatine revandin, eşkere kir.

Li gorî çavkanî, Mîkayil Mihemed (34) di 25`ê Mijdarê de ji aliyê çeteyên Lîwa Weqas ve hate revandin.

Çeteyan her wiha di 27`ê Mijdarê de 2 jin û zarokekî ji gundê Anqelê revandin û navên wan wiha ne: Nûrhan Kêlo (55), Cozfîn Mihemed (35) û Cofan Ehmed (14).

Çavkaniyekî din ji gundê Çeqela navîn ê girêdayî navçeya Şiyê ragihand ku çeteyên Emşat mixtarê gund ê bi navê Bekir Reşolîk revandin û li hemberî berdana wî 500 dolar ji malbata wî xwestin.

Çarenûsa sivîlên hatine revandin hîna ne diyar e.

(cx)

ANHA