Li Minbicê kongreya Partiya Pêşerojê ya Sûriyê li dar ket

Konferans li hola Navenda Çand û Hunerê bi beşdarbûna nûnerên saziyên sivîl û leşkerî li bajêr, endamên Meclisa Ciwanên Şoreşger a Minbic û Gundewarên Wê, endamên meclisa Partiya Sûriya Pêşerojê li bajêr û endamên ciwanan a Reqayê hat lidarxistin.

Hola konferansê bi wêneyên şehîd Hevrîn Xelef, alên partiyê û pankartên "Xwîna şehîdan çiraya azadiyê ye" hate xemilandin.

Piştî rêzgirtinê seroka Partiya Pêşerojê ya Sûriyê şaxê Minbicê Ezeb Ebûd axivî û diyar kir ku avakirin bê aktîfkirina çîna ciwanan ne pêkan e.

Hevserokê Meclisa Qanûnsaz a Minbicê Mihemed Elî El-Ebo axivî û da zanîn ku bi dirêjahiya serdeman, şaristanî bi destê ciwanan tê avakirin.

Piştî ku perspektîfên rêveberiya partiyê û rapora çalakiyên ciwanan û rêziknameya hundirîn hatin xwendin, beşdaran 17 endam  wek Meclisa Ciwanan a Partiya Pêşerojê ya Sûriyê li Minbicê hilbijartin.

ANHA

<iframe width="560" height="315" src="https://www.youtube.com/embed/OMgLQh-Atwc" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>