Li Minbicê panelek li ser sûcên li herêmên dagirkirî hate lidarxistin

Jinên di sazî û komîteyên taybet ên jinan ên Rêveberiya Sivîl a Demokratîk a Minbicê de kar dikin, jinên di partiyên siyasî de, malbatlên qurbaniyên hovîtiya dewleta Tirk a dagirerk û çeteyên wê û şahidên binpêkirinên dagirkeran ên li Girê Spî û Serêkaniyê beşdarî panelê bûn.

Beşdaran li ser sê mijarên sereke rawestiyan; koçberiya bizorê, armanc û bandorên wê, eşkerekirina planên Tirkiyê ji operasyona Kaniya Aştiyê û guhertina demografî û binpêkirinên dagirkeriya Tirk ên li dijî sivîlan bi giştî û jin bi taybet.

Panel bi deqeyeke rêzgirtin dest pê kir. Piştre berdevka Navenda Lêkolînên Jineolojî ya bajarê Minbic û gudewarên wê Yasmîn Qoço mijarên panelê şîrove kirin.

MIJARA YEKEMÎN: KOÇBERIYA BIZORÊ, ARMANC Û BANDORÊN WÊ

Yasmîn destnîşan kir ku dewleta Tirk ji şerê li Sûriyê derfet girt û dest bi êrişên ser Bakurê Sûriyê kir, gelek herêmê dagir kirin, niştecihên wê koçber kir û demografya herêmê guhert da ku herêmên di bin dagirkeriya xwe de berfireh bike û împratroiya Osmanî zindî bike.

Yasmîn diyar kir ku dewleta Tirk a dagirker hewl dide dîroka gelên herêmê îmha bike û nakokiyên dayîmî di navbera pêkhateyên wê de çêbike.

Têkildarî encamên koçberiya ji ber êrişên dagirkeriyê, Yasmîn Qoço wiha domand: "Mal wêran bûn, gelek kes hatin kuştin û koçberkirin, ji ber sûcên qetilkirin, dizî û talankirin, destdirêjî, herêm ne ewle ne. Her wiha zarok ji perwerdeya xwe bê par man. Ev yek bandoreke mezin li nifşekî kir."

MIJARA DUYEMÎN: EŞKEREKIRINA PLANÊN TIRKIYÊ JI OPERASYONA KANIYA AŞTIYÊ Û GUHERTINA DEMOGRAFÎ

Li ser vê mijarê, Yasmîn bi bîr xistin ku piştî vekişandina hêzên Amerîkayê, dewleta Tirk a dagirker û çeteyên wê di 9'ê Cotmeha 2019'an di bin navê "Operasyona Kaniya Aştiyê", êrişên dagirkirinê birin ser Serêkaniyê û Girê Spî û avakirina herêmeke "Ewle" li rojhilat û rojavayê çemê Firatê ji dagirkirinê re kir hincet.

Yasmîn Qoço da zanîn ku hêzên dewleta Tirk bi awayekî ne rewa û di nava bêdengiya navnetewî de hêrêm dagir kir, ev yekê eşkere dike ku komployeke navneteweyî li dijî Sûriyê hate kirin.

Yasmîn îşaret bi hovîtiya dewleta Tirk kir û diyar kir ku bêserûber herêm da ber topan û bombeyên balafiran, piştî herêmê dagir kirin çeteyan dest danî ser milên şêniyan.

MIJARA SÊYEMÎN: BINPÊKIRINÊN DAGIRKERIYA TIRK ÊN LI DIJÎ SIVÎLAN BI GIŞTÎ Û JIN BI TAYBET

Yasmîn diyar kir ku şerê heyî ne tenê li dijî pêkhateyekê ye, lê belê li dijî hemû pêkhateyên Bakur û Rojhilatê Sûriyê ye û wiha dom da axaftina xwe: " Herî zêde jin û zarokan para xwe ji ziyanên şer girtin. Ji ber ku jin bingeha sereke ya avakirina civaka azad, bû hedefa yekemîn a şer e."

Panel bi nîqaşên beşdaran bi dawî bû.

ANHA