Li Hesekê têkildarî komploya 9'ê Cotmehê panelek hate lidarxistin

Tevgera Civaka Demokratîk (TEV-DEM), têkildarî komploya navneteweyî ya 9'ê Cotmeha 1998'an a li dijî Rêber Abdullah Ocalan û salvegera 2'yemîn a êrişên dewleta Tirk a dagirker û çeteyên wê yên li ser Serêkaniyê û Girê Spî panelek li bajarê Hesekê li dar xist.

Di panela hola Reşo ya bajarê Hesekê hat lidarxistin de, bi sedan endamên saziyên civaka sivîl, şêx û rûspiyên heêrmê û oldar beşdarî panela beşdar bûn.

Panel bi deqeyeke rêzgirtin dest pê kir. Piştre hevserokê meclisa TEV-DEM'ê ya kantona Hesekê Ferhan Dawud û endama meclisa PYD'ê Zeyneb Şîkta axivî û behsa komploya navneteweyî ya 9'ê Cotmeha 1998'an a li dijî Rêber Abdullah Ocalan kir.

Di axaftinan de hate gotin ku desthilata Tirkiyê bi ferzkirina tecrîda li dijî Rêber Abdullah Ocalan aloziyên li Rojhilata Navîn kûrtir bike û ji çareseriyê dûr bixe. Axaftivanan destnîşan kirin ku kilîlta çareserkirina krîzên Rojhilata Navîn bi rêbertî re ye.

Her wiha hate diyarkirin ku Rêber Abdullah OCalan têkoşîna gihandina ramanê azad û bidestxistina mafên hemû gelên Rojhilata Navîn di girtîgeha Îmraliyê de didomîne.

Beşdaran jî li ser mijarêgefên dagirekriya Tirk ên li êrişeke din li ser herêmên Bakur û Rojhilatê Sûriyê, biryara Rûsya ya vekişandina ji eniyên şer, armanca serdana James Jeffrey û tevgera PDK' ya li ser sînorê Başûr û Rojavayê Kurdistanê nêrînên xwe raber kirin.

Panel bi diruşmeyên "Bê serok jiyan nabe" bi dawî bû.

ANHA