Şêniyên Reqayê sûcên dewleta Tirk şermezar kirin

Bi sedan şêniyên bejahiya rojavayê Reqayê îro bi meşeke girseyî siyasetên dewleta Tirk a dagirker û sûcên wê yên li dijî sivîlan şermezar kirin.

30 îlon, 2020 12:58

REQA

Meş ji Şaredariya Selhebiyê ya rojavayê bajarê Reqayê û bi beşdariya bi sedan şêniyên wê û gundên derdorê, endamên komîteyên sivîl û partiyên siyasî dest pê kir û li tevahî kolanên bajarokê Hatîfên gerî.

Piştî wê meşvan li naverasta bajarok kom bûn û hevserokê Meclisa Gel a bajarokê Tişrîn Abduletîf Hemed axivî û sûcên dewleta Tirk ên li dijî gelên herêmên dagirkirî ji qetilkirin, tecawîzkirin û şantajê şermezar kirin û bang li civaka navneteweyî kir ku tedbîrên aktîf bigire û ji bêdengiya xwe derkeve.

Endamê Partiya Pêşerojê ya Sûriyê Xanim Cuma destnîşan kir ku hedefa dewleta Tirk parçekirina Sûriyê û guhartina demografiya herêmên dagirkirî li pêş çavên cîhanê ye.

Axêveran piştrast kir ku gelên Bakur û Rojhilat êSûriyê bi yekitî li hember proje û siyasetên dewleta Tirk disekinin, li hember sûcên dewleta Tirk û çeteyên wê bê deng namînin. Her wiha bang li civaka navneteweyî dikin ku pêngavên aktîf pêk bînin û dagirkeriyê bi dawî bikin.

(fr)

ANHA