Li Şehbayê projeya berfihekirina avakirina dibistanan

Piştî ku Heyva Sor a Kurd bi hevkariya bi Komîteya Perwerdeya Civaka Demokratîk(KPC-Demokratîk) re dibistana kampa Serdemê bi dawî kir, pêwîstî bi avakirina dibistanên nû li gund û navçeyên dîtir çêbû.

Bi wê re jî proje hat berfihekirin ku gelek dibistan li gund, navçeyên Şehba û navçeya Şêrawayê ava bikin. Li gorî berpirsên Heyva Sor a Kurd dê di projeyê de ev dibistanê bên avakirin; kampa Berxwedan bi rûbera 870 m ku tê de  26 ref ji bo hezar şagirtên seretayî, gundê Babinis bi rûbera 260 m, tê de 9 ref ji bo 150 xwendekarên navîn û amadehî, dibistanek li Ehresê bi rûbera 170 m ku tê de 4 ref ji bo pêşwazîkirina zêdetirî 200 şagirtên seretayî , li gundê Aqîbê bi rûbera 150 m tê de 4 ref ji bo 130 şagirtên seretayî, li gundê Ziyaretê bi rûbera 200 m ku tê de 7 ref ji bo 175 xwendekarên navîn û amadehî, kampa Vegerê bi rûbera 200 m ku tê de 7 ref ji bo pêşwazîkirina 150 şagirtên seretayî.

Werşeya kar dest bi avakirina dibistanên kir da ku pêşwaziya xwendekaran bi destpêkirina sala nû ya xwendinê 2020/2021’an bike.

Ev pêngav ji bo hêsankirina perwerdeya xwendekaran e, bi taybet xwendekarên ji ber tunebûna dibistanan û sererastkirî astengiyan dikişînin.

(fr)

ANHA