Çalakiya hefteya çandê li gundê Babinsê hate lidarxistin

Çalakiya hefteya çandê di roja 6'an de li gundê Babinsê yê kantona Şehbayê hate lidarxistin.

ÇAND Û HUNER

5 tîrmeh, 2020 17:33

ŞEHBA

Hefteya çandê ya ji aliyê Tevgera Kevana Zêrîn a kantona Efrînê ve tê lidarxistin di roja 6'an de didome.

Çalakî bi beşdarbûna bi dehan şêniyan li hola Zagros a gundê Babnisê yê kantona Şehbayê hate lidarxistin.

Çalakî bi deqeyeke rêzgirtin destpê kir. Piştre, endama Tevgera Kevana Zêrîn a kantona Efrînê Buhar Silêman bi xêrhatina beşdaran kir û got, çalakiya wan ji bo parastina çand û folkloara Kurdî ye.

Koma Şehîd Heyfa stranên netewî û folklorî gotin. Koma Barîn şanoyek li ser zilma li ser jinê û zewicandina zarokan pêşkêş kir.

Koma Şehîd Ronahî ya girêdayî Tevgera Kevana Zêrîn a kampa Berxwedan dîlanên folklorî gerandin. Her wiha Koma Şehîd Rohenda ya zarokan stranên taybet ên zarokan gotin.

Di dawiyê de endamên tevgerê Romîna Seydo û Cûdî Mihemed li biziqê dan.

ANHA
<iframe width="560" height="315" src="https://www.youtube.com/embed/p2Iuj4ORrLg" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>