Meclisa Hecînê civînek bi meclisên herêmê re li dar xist

Meclisa Gel a Hecînê civîneke berfirah bi rêveberên meclis û şaredariyan re li dar xist da ku pirsgirêk û astengiyên ku herêm tê re derbas dibe, çareser bikin.

10 hezîran, 2020 10:58

HECÎN

Hevserokên hemû meclisên herêmî û şaredariyan ên Hecînê heta bi Baxozê ya li ser sînorê Iraqê di civînê de amade bûn. Civîn li avahiya Meclisa Gel a bajarokê Hecînê li dar ket.

Piştî rêzgirtinê, beşdaran pirsgirêk û astengiyên li pêş xebata komîteyan, rêbaza başkirina mekanîzmaya kar û dîtina çareyên guncaw nîqaş kirin da ku rewşa xizmetguzariya li herêmê bi pêş bixin.

Di civînê de beşdaran çareserkirna pirsgirêka firinan, kêmbûna ard û dabînkirina sotemenî hatin nîqaşkirin. Her wiha di civînê de jî behsa avakirina kooperatîfan hat kirin ku piştevaniya şêniyan bikin.

Civîn bi van biryaran bi dawî bû; avakirina komîteya çavdêriya aş û firinan, çavdêriya buhayên nan, ardê ku ji firinan re tê pêşkêşkirin, muxalefetkirina aşxane yan jî xwediyên firinan ku li gorî mercên diyarkirî bi bacên darayî, her wiha çavdêriya li buhayên sûk û dikanên bazirganiyê da ku keysbazî û derfetgirtina bazirganan sînordar bikin.

ANHA