Li Efrînê di roja yekemîn a Remezanê de mezara Êzidî hat wêrankirin

Yekîtiya Êzidiyan û Yektiya Jinan a Êzidî binpêkirinên dewleta Tirk a dagirker û çeteyên wê yên li dijî mafên gelê Êzidî û deverên wan ên pîroz ên li kantona Efrînê şermezar kirin. Her wiha di vê dawiyê de qubeya mezara Şêx Elî ya li gundê Basûfanê hat wêrankirin.

28 nîsan, 2020 13:57

ŞEHBA

Yekitiya Êzidî û Yekitiya Jinan a Êzidî îro der barê binpêkirinên dewleta Tirk a dagirker û çeteyên wê li dijî mafên êzidiyên li kantona Efrînê daxuyaniyek weşand.

Endama Yekitiya Êzidiyan Orîvan Sîdo û hevserokê Yekitiya Êzidî ya kantona Efrînê bi beşdariya hejmarek ji endamên yekitiyê daxuyanî xwend.

Daxuyanî wiha ye:

"Kurdên Êzidî xwediyên dîroka kevnare li Rojhilata Navîn in û li ser xaka mezinên xwe tevî gelek ferman û qirkirinan bi destê dijminê kurdan bi taybet împratoriya Osmanî dijîn. Piştre nivêyên Osmanî hatin û bûn desthilatên dewleta Tirk di serî de jî AKP’ê û sultanê serdemê Erdogan.

Di 20.01.2018’an de dewleta Tirk û komên cîhadîst ên radîkal ji bermahiyên DAIŞ’ê êrişkeke hovane li dijî Efrînê pêk anîn. Bajarê Efrînê di dirêjahiya salên aloziya şerê li Sûriyê bûbû cihên ewle û aramiyê.

Piştî berxwedaneke bêhempa ku tevahî pêkhateyên Efrînê bi dema 58 rojan daye, bi sedan şehîd û birîndar dane, efrînî di 18.03.2018’an de neçar ma koçberî herêmên Şehbayê bibe, ji nav wan jî kurdên Êzidî ku li 23 gund û bajarê Efrînê bûn hebûn. Lê belê hin ji wan li Efrînê man û ji ber êrişên bêserûber ên dewleta Tirk û komên wê nikarin derketana.

WÊRANKIRINA CIHÊN PÎROZ

Piştî derbasbûna dewleta Tirk a herêma Efrînê dest bi guhartina demografiyê li dijî tevahî pêkhateyên Efrînê bi taybet Kurdên Êzidî ji kuştin û girtin. Her wiha dest bi bi guhartina forma Kurdên Êzidî li gundên wan bi rêya wêrankirin û xirabkirina cihên pîroz û mezarên bi temenên hezar salan kir. Tu mezar ji dest wan bê par neman, hejmara mezaran 19 in. Mezara herî dawiyê jî bi destê çete û dewleta Tirk a dagirker hatiye xirabkirin jî di roja yekemîn a Remezanê de bû. Her wiha mezara Şêx Elî ya li gundê Basûfan ku Êzidî ye bi îdîaya ev mezar a kafira ye wêran kirin. Her wiha berê jî malek ji malên gund kiribûn mizgef û îslametî li wan ferz dikirin û cilên reş ên DAIŞ’ê bi zorê li şêniyên gund dikirin.

Ev tevahî binpêkirin li ber çavên dewleta Tirk û bi çavdêriya yekser a MIT’a Tirkiyê pêk tên.

Ji lew re em wek Yekitiya Êzidî ya Efrînê bi gotinên tûj van kiryarên dûrî nirxên mirovahî û demokratiyê ku dikevin xizmeta qirkirinên etnîkî û îmhakirina nasnameya gelekî bi giştî, şermezar dikin. Her wiha bêdengiya navdewletî û rêxistinên mafên mirovah şermezar dikin. Li aliyekî din jî bang li civaka nevneteweyî dikin ku kiryarên Tirk û dagirkirina bajarê Efrînê bi dawî bikin û divê tevahî pêkhateyên wê vegerin gund û bajarên xwe."

Daxuyanî bi diruşmên"bimire dîktator, hilweşe dewleta Tirk a dagirker, şehîd namirin" bi dawî bû.

(fr)

ANHA