HRE: Em hevrêyê xwe Zinar Amed bi rêzdarî bi bîr tînin

HRE’yê bi daxuyaniyeke nivîskî nasnameya şehîdê xwe Zinar Amed (Muslim Korcî) eşkere kir. Şehîd Zinar Amed di 9’ê Adarê de, di qonaxa duyemîn a berxwedana Efrînê de şehîd bûbû.

Berfirehiya daxuyaniyê wiha ye:

“Di roja 9’ê Adarê de şervanê me Zinar Amed di qonaxa duyemîn ya berxwedana Efrînê de şehîd ket.

Hevrê Zinar, li Efrînê di nav malbateke welatparêz de ji dayik bû û mezin bû. Di berxwedana me ya li hember dagirkeriyê de bi sekna xwe ya têkoşer roleke girîng lîst. Li hember her cure tehekûm û paşverûtiyê bi hêrs û kîneke mezin sekinî û tu caran ji têkoşînê paşve gav neavêt. Hevrê Zinar di nava refên têkoşînê de erkên ku diketin ser milên wî, bi biryardariyeke mezin bi cih anîn û tev li karwanê şehîdan bû.

Nasnameya hevalê me yê şehîd wiha ye:

Nasnav: Zinar Amed
Nav û Paşnav: Muslim Korcî
Navê Dayikê: Şînaz
Navê Bav: Mihemed
Cihê Jidayikbûnê: Efrîn
Cih û Dîroka Şehadetê: Qonaxa duyemîn a berxwedana Efrînê / 9 Adar 2020

Em di şexsê hevrê Zinar Amed de tevahî şehîdên leheng bi rêzdarî û minet bi bîr tînin. Ji malbata şehîdê xwe û ji hemû gelê xwe re sersaxiyê dixwazin.”