Meşa ciwanan a li dijî komployê dest pê kir

Bi nêzîkbûna salvegera 21`emîn a komploya li dijî rêber Abdullah Ocalan re ku di 15`ê Sibata 1999`an de pêk hat, bi sedan ciwanên Kurd û Ereb ji navçeya Sirînê ya başûrê kantona Kobanê dest bi meşeke dirêj kir.

Tevgera Ciwanên Şoreşger ên Sûriyê meş bi rêxistin kiriye û meşvanan wêneyên rêber Ocalan û pankartên bi nivîsên şermezarkirina Komploya Navneteweyî ya li dijî rêber Ocalan rakirine.

Tê payîn ku ciwan di 3 rojan de 40 km bimeşin heta bigihîjin bajarê Kobanê û piştre dê berê xwe bidin gundê Elpelûrê yê li rojavayê bajêr ku cara yekê havîna sala 1979`an Ocalan  di dema hatine Rojava de, hatiye wî gundî.

Ji beriya zêdetirî hefteyekê li kantona Kobanê çalakiyên cur bi cur pêk tên. Çalakî bi armanca pênasekirina felsefeya rêber Ocalan û Komploya Navneteweyî ku li dijî wî pêk hatiye û di encamê de li girtîgeha Îmraliyê ya li Deryaya Marmara ya li Tirkiyê dîl hate girtin, tên lidarxistin.

(cx)

ANHA

<iframe width="560" height="315" src="https://www.youtube.com/embed/qWxAHs926jI" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>