Şêniyên Efrînê sersaxî ji malbatên şehîdên Berxwedana Serdemê re xwest

Bi sedan şêniyên kantonên Efrîn û Şehbayê sersaxî da malbatên şehîd Cûdî Çiya û şehîd Ciwan Efrîn ên ku di merheleya duyemîn a Berxwedana Serdemê de şehîd bûbûn.

NÛÇE

22 kanûn, 2019 12:11

ŞEHBA

Bi sedan şêniyên kantonên Efrîn û Şehbayê berê xwe da konê sersaxiyê yê her du şehîdên bi navên Remedan Efrîn (Ciwan Efrîn) û Îbrahîm Ehmed (Cûdî Çiya). Konê sersaxiyê li Kampa Berxwedan a navçeya Fafîn a girêdayî kantona Şehbayê hat vedan. Her du şehîd di 18’ê Kanûnê de, di merheleya duyemîn a Berxwedana Serdemê de şehîd bûbûn.

Konê sersaxiyê bi wêneyên şehîd, alên YPJ û YPG’ê û wêneyên rêber Abdullah Ocalan hat xemilandin. Merasîma sersaxiyê bi rêzgirtinê dest pê kir. Piştre bi navê Meclisa Malbatên Şehîdan rêveber Sureya Hebeş, bi navê Meclisa Fafînê endam Zêneb Ebdan û bi navê Tevgera Ciwanên Şoreşger ên Sûriyê rêveber Reşîd Efrîn axivîn.

Axêveran serê malbatên şehîdan sax kir. Her wiha jî piştrast kir ku dê li hember dewleta Tirk a dagirker û çeteyên wê li ber xwe bidin û dê li ser rêça wan heta serketinê bimeşin.

Piştî endamê Komîteya Fêrkirin û Pewerdeyê ya Civaka Demokratîk (KPC-D) ya Herêma Efrînê Mihemed Ebdo wesîqeyên her du şehîdan xwendin û radestî malbatên wan kirin.

(fr)

ANHA