‘Komîteya ku nûnerên herêmê beşdarî wê nebin em îtîrafê bi encamên wê nakin‘

Îro bi sedan şêniyên bajarê Qamişlo li pêşiya Meclisa Malbatên Şehîdan kom bûn û cenzeyê şervanê QSD`ê Şevger Ehmed (Siyamend Qamişlo) ku 27`ê Cotmehê li bajarokê Zirganê şehîd bû û şervanên Hêzên Erka Xweparastinê Zekeriya Xelîl ku 26`ê Cotmehê li bajarê Qamişlo şehîd bû wergirtin û ber bi Goristana Şehîd Delîl Sarûxan ve çûn.

Di merasîmê de Hevseroka TEV-DEM`ê Zelal Ceger wiha axivî:"Îro roja têkoşînê ye. Roja berxwedan, serhildan û serîhildana lidijî dewleta Tirk a dagirker û dîktetor e. Em ji tevahî cîhanê re dibêjin ku em li ser xaka xwe ne û parastina rûmeta xwe dikin."

Zelal Ceger der barê komîteya destûrî de got komîteya ku nûnerên gelê Bakurê û Rojhilatê Sûriyê tev lê nebin tu îtîrafê bê encamên wê nakin ji ber armancên pêkhateyên Bakur û Rojhilatê Sûriyê pêk nayne.

Birayê şehîd Şevger, Kanîwar Ehmed jî wiha got:"Em soza xwe li pêşiya gel nû dikin ku mademî şexsek di malbata me de heye em ê ji bo xaka Rojava canê xwe feda bikin."

Paşê Endamê Meclisa Malbatên Şehîdan Revîn Şêxmûs nasnameya şervana YPJ`ê Sîma Al Sodî (Dilvîn Qamişlo) ku 11`ê Cotmehê li Serêkaniyê di encama bersivdayîna êrişên artêşa Tirk a dagirker û çeteyên ji Cebhet El-Nusra, şehîd bû, eşkere kir.

Di dawiyê de cenazeyê her du şehîdan di nava tilîlî û dirûşmeyên şehîd namirin de hatin oxirkirin.

(bx)

ANHA