‘Em artêşa Tirk li ser bihosteke xaka xwe qebûl nakin’

Li dijî êrîşên artêşa Tirk ên li ser herêmên Bakur û Rojhilatê Sûriyê, her wiha komkujiya der heqê sivîlan de, bi sedan şêniyên navçeya Til Berak û navçeya Til Hemîsê 2 meşên cuda li dar xistin. Xwepêşandêran alên QSD`ê, Kongreya Star, alên YPG û YPJ`ê hilgirtin.

Xwêşandan ji têketina başûrê navçeya Til Berakê dest pê kir û ber bi kolên sereke ve çûn, xwepêşandêran sloganên"Girê Spî azad e, Erdogan derkeve, yek e yek e yek e gelê Sûriyê yek e, na ji Erdogan re"berz kirin.

Xwepêşandan li ber çerxerêya Şehîdan a navçeyê veguherî mîtîngê. Hevseroka Meclisa Navçeya Til Berak Sara Behlewî axivî û bi navê gelê Bakur û Rojhilatê Sûriyê, êrîşên artêşa Tirk ên li ser herêmên Serêkaniyê û Girê Spî yên ku rastî êrîşên hovane yên Erdogan û çeteyên wî tên, şermezar kir.

Til Hemîs

Bi sedan şêniyên navçeya Til Hemîsê li dijî êrîşên artêşa Tirk ên li ser herêmên Bakur û Rojhilatê Sûriyê daketin qadan û bang li civaka navdewletî û rêxistinên mafên mirovan kirin, ku li dijî van êrîşan derkevin, nehêlin artêşa Tirk a dagirker derbasî xaka Sûriyê bibe û rê li pêşiya koçberkirina gelê welat bigirin.

Meş ji ber Meclisa Navçeyê ya Til Hemîsê dest pê kir û ber bi kolanên navçeyê ve meşiyan.Xwepêşandêran sloganên şermezarkirina hovîtiya artêşa Tirk, komkujiya der heqê gelê sivîl de pêk tîne û bijî berxwedana şêniyên herêmê yên di nava QSD`ê de cihê xwe digirin berz kirin. Xwepêşandêr li ber çerxerêya Şehîdan rawestiyan.

Xwepêşandêran pankartên bi nivîsên"Na ji Erdoganê terosît re, na ji artêşa Tirk û çeteyên wê re, na ji qirkirin û dagirkeriyê re, em hebûna artêşa Tirk li ser bihostek xaka xwe napejirînin."

Di mîtîgê de Hevserokê Şaredariya Gel a navçeyê Abdulrehman Hadî, endamê Tevgera Ciwanên Şoreşger Hemam Xerîb, endamê Meclisa Malbatên Şehîdan Ehmed Abawî û ser navê eşîra Şerabîn Hebûş Zoman axivîn.

Axîveran êrîşên artêşa Tirk ên li ser Bakur û Rojhilatê Sûriyê, komkujiya der heqê sivîlan de, dorpêçkirina wan her wiha qedexekirina rizgarkirina şehîd û birîndaran şermezar kirin.

Her wiha li dijî êrîşan banga yekîtiyê kirin.

(eh)

ANHA