Şêniyên Reqayê dê heta bidawîkirina dagirkeriyê protestoyên xwe bidomînin

Şêniyên Reqayê di bin konê çalakiyê de li bajarokê Til Semin ê bakurê Reqayê çalakiyên şermezarkirina dijminatiya dewleta Tirk a li dijî Bakur û Rojhilatê Sûriyê û komkujiyên li ser sivîlan didomînin.

Îro, şêniyên bajarokê Kerame, Dêrazor, Reqa û Tebqayê beşdarî çalakiyê bûn ku li rex QSD’ê ne ku Berxwedana Rûmetê li dijî dewleta Tirk û çeteyên wê li dar dixin.

Bi navê Şaredariya Gel a Keramê, hevserok Xalid Xemerî, bi navê Meclisên Gundewarên Rojavayê Dêrazorê endamê rêveber Xalid Emê û bi navê Komîteya Jinan a Kerame endama rêveber Ruqiya Esker axivîn û diyar kirin ku bi yek helwestî li dijî dijminatiya dewleta Tirk in ku çekên qedexekirî li dijî sivîlan bi kar anîn û rojane komkujiyan pêk tîne.

Axêveran îşaret pê kir ku QSD’ê li dijî çeteyên DAIŞ’ê 11 hezar şehîd dan û amade ye li dijî xewna Osmanî ya dagirkirina Bakur û Rojhilatê Sûriyê, parastina yekitiya xaka Sûriyê û aştiyê jî şehîdan bidin.

Li dawiyê axêveran bang li civka navdewletî kir ku ji ber komkujî û kuştina sivîlan berpirsiyar bin. Her wiha bibin garantor da ku şêniyên koçber vegerin gund û bajarên xwe ku bi sedema êrîşên dewleta Tirk a dagirker û çeteyên wê ji koçber bûne.

(fr)

ANHA