866 mamosete beşdarî dewreyên perwerdeyê dibin

Komîteya Perwerde û Fêrkirinê ya Minbic û gundewarê wê du navendên ji bo perwerdekirina mamosteyên nû yên ku bi serketin û di dibistanên bajêr û gundewar de hatin erkdarkirin, vekirin. Navenda yekê dibistana pîşeyî ya amadehî ya ku dikeve rêya Helebê. Ya din jî li navenda Zêdan Henêzil a ku dikeve rêya Heleb li rex navenda Komîteya Perwerde û Fêrkirinê.

Ev dewreya yekemîn a îsal e û derdora 866 mamoste ji mamosteyên nû yên ku di ezmûna komîteyê de bi serketine û hatin erkdarkirin beşdarî  dewreyê dibin. Armanca ji dewreyê ew e ku asta mamosteyan bilind bikin û piştî ezmûnên dawîn asta wan diyar bikin.

Girêdayî mijarê çavdêrê madeya bîrkarî yê navenda perwerdeyê ya dibistana pîşeyî ya amadehî ya bajarê Minbicê Hisên El-Hisên ji ajansa me re axivî û got: "Me ji 1`ê Îlonê ve dest bi dewreyê kiriye. Ev dewre dê di 14’ê Îlonê de, bi ezmûna diyarkirina asta mamosteyan bi dawî bibe."

El-Hisên wiha domand: "866 mamoste beşdarî dewreyê bûne û dibe ku ev hejmar bighêje 876 mamoste. Ev hejmar li her du navendan hate parvekirin."

Têkildarî bernameya perwerdeyê El-Hisên got: "Dewama navendê wê 10 roj be û perwerde ji saet 9:00`an heya 12:00`an nîvro bidome.  Mamoste waneyên girêdayê rêbazên wanedayînê û waneyên fikrî, dibînin."

Komîteya Perwerde û Fêrkirinê ya Minbic û gundewarê wê plana xwe ji bo bilindkirina asta tevahiyan mamosteyên bajar û gundewaran, didomîne. Dibe ku dewreyek din ji mamosteyên ku dê werin erkdarkirin re vebe.

(şx/bm)

ANHA