AP: Adrian Darya 1 li nêzîkî bendereke Sûriyê rawestiya

Malpereke şopandina rêgeha keştiyan diyar kir ku keştiya Îranê Adrian Darya1 ku berê bi nave "Grace 1" dihat naskirin, îro 50 mîlên deryayî dûrî bendereke Sûriyê rawestiyaye û ajansa AP`ê ev yek piştrast kir.

Heta niha rêgeha keştiyê nayê naskirin. Barê keştiyê 2.1 milyon bermîlên petrolê ye û buhayê wê 130 milyon dolar e.

Skynewsê jî ragihand ku wezîrê karên derve yê DYA’yê Mike Pompeo got Washington têkildarî rêgeha keştiya Îranê xwedî agahiyên tekûz e. Pompeo wiha got: "Em jî têkildarî keştiyê xwedî agahiyan in ku keştî ber bi Tertûsa Sûriyê ve diçe û dibe ku rêgeha xwe biguherîne.” û wiha lê zêde kir: “Şaşiya herî mezin, baweriya bi Zerîf e." 

Roja înê keştiya Adrian Darya rêgeha xwe ber bi Îskenderonê ve guherand. Dergevan dikarin sîstema pênasekirinê derbas bikin û dibe ku Tirkiye ne rêgeha wê ya rast be.

Hatibû diyarkirin ku keştî dê ber bi Mêrsîna Tirkiyê ve biçe û barê xwe li wir vala bike.

Adrian Darya 1 beriya çend hefteyan li Cebel Tariq piştî ku desthilatê bi fikara binpêkirina cezayên Yekitiya Ewropayê yên li ser hinardeya petrolê ji Sûriyê re hatibû girtin, di milekî din de DYA`yê muzakereya cezaya keştiyê ragihand û dewletên din jî hişyar kirin.

Duşema borî Desteya Televîzyon û Radyoyê ya Îranê li ser zimanê berdevkê hikumetê ragihand ku Tehranê petrola barkirî firotiye û dê bikir rêgeha wê diyar bike. Berdevk nasnameya bikir diyar nekiribû.

(eh)