Li Reqayê Lîwayê Şehîd Qehreman hate avakirin

Bi armanca xurtkirina rêxistina ewlehî û parastinê ya Hêzên Sûriya Demokratîk, îro Akademiya Şehîd Emar El-Şêx bi merasîmekê dewreyeke ji perwerdê yên şervanên ji lîwayê Qehreman Kobanê li Reqayê bidawî kir.

NÛÇE

30 gulan, 2019 12:15

REQA

Îro Akademiya Şehîd Emar El-Şêx a girêdayî QSD`ê, lîwayê Şehîd Qehreman Kobanê ku ji ciwanên Reqa û gundewarên wê pêk dihat bi dawî kir.

Dewreya ku 50 rojî berdewam kir, têde waneyên bîrdozî û leşkerî têde hate dayîn.

Merasîma bidawîkirina dewreyê bi toreneke leşkerî destpê kir, paşê yek ji fermandên QSD`ê Rêzan Tebqayê axivî û bidawîkirina dewreyê li şervanan pîroz kir û wiha anî ziman: "Em îro di qonaxeke hesas re derbas dibin, ji bo em bigihên armancên xwe û yên gelên xwe gelek erk dikevin ser milê me, her wiha ji parastina şêniyên xwe, bicihkirina aramî û ewlehiyê li herêmên me da ku ji dijmin were parastin ked dive.”

Mersîma bidawîkirina dewreyê bi sonda leşkerî û sloganên"Şehîd namirin"bi dawî bû.

Şehîd Qehreman Kobanê ku lîwa li ser navê wî bû, di pêngava rizgarkirina Kobanê ji çeteyên DAIŞ`ê de şehîd bûbû.

(eh)

ANHA