Komxebata Êlên Sûriyê dest pê kir

Komxebata Êlên Sûriyê li bajarokê Eyn Îsa bi sponseriya MSD`ê dest pê kir.

NÛÇE

3 gulan, 2019 09:31

EYN ÎSA

Komxebata Êlên Sûriyê bi beşdariya zêdetirî 5 hezar nûnerên êlên Sûriyê û nûnerên saziyên civaka sivîl dest pê kir.

Fermandarê giştî yê QSD`ê Mezlûm Ebdî, hevseroka Meclisa Sûriya Demokratîk (MSD) Emîne Umer, seroka Desteya Rêveber a MSD`ê Îlham Ehmed, nûnerên Rêveberiya Xweser a Bakur û Rojhilatê Sûriyê û partiyên siyasî beşdarî tev li komxebatê bûn.

Di komxebatê de dê rola êlan di têkoşîna li dijî terorê de, destekdayîna avakirina Rêveberiya Xweser û QSD`ê, her wiha zuhakirina çavkaniyên fikr û zîhniyeta çeteyên DAIŞ`ê li herêmê û rêgirtina li pêşiya destwerdanên ajandayên herêmî di nava Sûriyê de, werin nîqaşkirin.

Mezlûm Ebdî, Emîne Umer, Îlham Ehmed, hevserokên Meclisa Rêveber a Rêveberiya Xweser a Bakur û Rojhilatê Sûriyê Ebd Hamid El-Mehbaş û Bêrîvan Xalid, fermandarên QSD’ê û rêveberên MSD`ê bixêrhatina beşdaran kir.

Tê payîn ku axaftina destpêkê li ser navê MSD`ê were kirin.

(kc)

ANHA