Partiya Pêşerojê ya Sûriyê salvegera xwe pîroz kir

Pîrozbahî li navenda Çand û Hunerê ya bajarê Tebqayê bi amadebûna endamên Partiya Pêşerojê ya şaxê Tebayê û nûnerê partiyê yê  parêzgeha Siwedayê, endamên saziyên sivîl û leşkerî hat lidarxistin.

Şahî bi bîranîna şehîdan dest pê kir. Piştre alîkarê Sekretêra Giştî yê Partiya Pêşerojê ya Sûriyê Îbrahîm El-Ferc axivî, serkeftina QSD‘ê li Bakur û Rojhilatê Sûriyê pîroz kir û anî ziman ku ev serkeftinê dê nexşeya siyasî ya herêmê biguhere. El-Ferec got, armanca partiyê Sûriyek demokraîk û yekbûyî ava bibe.

Piştre, Koma Zarokan a navenda Çand û Hunerê ya Tebqayê şanoyek bi navê "Berketa Cizîrê" pêşkêş kir.

Di pîrozbahiyê de cîgira serokê Buroya Tebqa ya Partiya Pêşerojê ya Sûriyê Semra El-Hesen jî axivî û anî ziman ku partî dê ji bo avakirina Sûriyeke ne navendî û demokratîk xebatên xwe zêde bike.

Serokê Buroya Siwêda ya Partiya Pêşerojê ya Sûriyê Semîr Ezam axivî, salvegera damezrandian partiyê pîroz kir û got, bi hevgirtina hemû pêkhateyên Sûriyê dê serkeftin bêne bidestxistin.

Di dawiya pîrozbahiyê de, Partiya Pêşerojê ya Sûriyê ya şaxê Tebqayê Meclisa Malbatên Şehîdan, QSD, Hêzên Ewlekariya Hundirîn û Rêveberiya Sivîl a Demokratîk a herêma Tebqayê xelat kirin.

ANHA