Mîtîngên Kongreya Star dest pê kir

Beriya niha bi çend kêliyan mîtîngên Kongreya Star li hemû bajar û herêmên Bakur û Rojhilatê Sûriyê bi armanca şermezarkirina komploya li dijî Rêberê Gelê Kurd Abdullah Ocalan dest pê kir.

JIN

7 sibat, 2019 10:32

NAVENDA NÛÇEYAN

Kongreya Star îro bi armanca şermezarkirina Komploya Navneteweyî ya li dijî Rêberê Gelê Kurd Abdullah Ocalan û destekdayîna çalakiya Leyla Guven ku ev 92 roj e berdewam dike, bi dirûşma "Em ê tecrîdê rakin, faşîzmê hilweşînin û avakirina neteweya demokratîk mîsoger bikin" mîtîngan li dar dixe.

Jinên herêma Qamişlo li Stada Heysem Kuço, jinên herêma Firatê li Parka 19`ê Tîrmehê, jinên taxa Şêxmeqsûd li Çerxerêya Serokatî û jinên Efrîn û Şehbayê jî li navçeya Ehdas kom bûne.

Jinan di mitîngê de wêneyên Rêberê Gelê Kurd Abdullah Ocalan, wêneyên Leyla Guven û pankartên bi nivîsa " Bi sekna Leyla, rihê Şeladizê em ê komplo hilweşînin", " Sûnda me ye, em ê pergala Îmralî perçe bikin û bi Rêber Apo re azad bijîn" hildane.

Tê payîn ku di mîtîngan de axaftin werin kirin. Her wiha dê daxuyaniyeke hevbeş ji aliyê Koordînasyona Kongreya Star ve were dayîn.

(bx/bm)

ANHA